Унгарија смета дека брз прекин на огнот во Украина е единствената шанса за Европа да избегне рецесија

Унгарија повика на итни мировни преговори за ставање крај на војната меѓу Украина и Русија.

И тоа, Унгарија предупредува дека долготрајниот конфликт ќе предизвика економска криза која ќе ги загрози владите ширум Европа, пишува „Фајненшл тајмс“.

„Брзиот прекин на огнот е единствената шанса на Европа да избегне рецесија“, рече Балаш Орбан, политички директор на унгарскиот премиер Виктор Орбан, предвидувајќи дека другите влади на ЕУ ќе престанат да даваат воена поддршка за Украина и ќе инсистираат на брз прекин на конфликтот во следните неколку месеци.

Будимпешта долго време беше најблискиот партнер на Москва во ЕУ и предизвика фрустрација во Брисел од почетокот на војната поради нејзината неподготвеност да ги прекине сите врски со Русија и да му даде недвосмислена поддршка на украинскиот претседател Володимир Зеленски.

Share on Facebook

Tweet

Follow us

Save