Си-Ен-Ен: Луѓето на Бајден имаат сè помалку надеж дека Украина некогаш ќе ја врати окупираната територија

Претставниците на Белата куќа ја губат довербата дека Украина некогаш ќе може да ја врати целата територија што Русија ја окупираше во последните четири месеци од војната, дури и со потешко и пософистицирано оружје што САД и сојузниците планираат да го испратат, изјавија американски официјални лица за CNN.

Советниците на претседателот Џо Бајден започнаа внатрешна дебата за тоа дали украинскиот претседател Володимир Зеленски треба да ја промени својата дефиниција за победа и да се прилагоди на можноста неговата земја да се намали неповратно.

Американските власти изјавија за Си-Ен-Ен дека оваа попесимистичка оценка не значи дека САД планираат да извршат притисок врз Украина да направи какви било формални територијални отстапки на Русија за да се стави крај на војната. Исто така, постои надеж дека украинските сили ќе можат да повратат значителни делови од територијата во веројатна контраофанзива подоцна оваа година.

„Се зависи од поддршката што ќе им ја дадеме“
Помошник на Конгресот за Си-Ен-Ен изјави дека помалата украинска држава не е неизбежна. „Дали Украина ќе може да ги врати тие територии во голема мера, ако не и целосно, зависи од тоа колкава поддршка ќе им дадеме“, рече помошникот. Тој истакна дека Украина официјално побарала најмалку 48 повеќекратни ракетни системи од САД, но до денес Пентагон ветил само осум од нив.

Сепак, не сите во администрацијата се подеднакво загрижени, бидејќи некои веруваат дека украинските сили повторно би можеле да ги пркосат очекувањата, како што направија во претходните денови од војната, кога го одбија рускиот напредок кон Киев. Меѓу нив се и советникот за национална безбедност Џејк Саливан и генералот Марк Мили, кои со часови разговараа со началниците на украинската армија минатата недела за начините за ослободување на територијата.

Share on Facebook

Tweet

Follow us

Save