Чулев: Почитувани колеги, не дозволувајте партиските директиви да бидат основата по која ќе ги извршувате вашите работни обврски и задачи

На Фејсбук се обрати и поранешниот технички министер Наќе Чулев.

,,Се наоѓаме во период на зголемени политички притисоци пред се врз полициските службеници, но и врз другите припадници на безбедносните служби. Дел од нив се во првите редови на протестите и заедно со нив секојдневно протестираме, а друг дел по службена должност се од другата страна на металните огради.
Оние вторите со потешка задача и поголема одговорност ги повикуваме да останат до крај професионални и да се придржуваат до законот. Најголемиот дел од полициските службеници се патриоти кои ја сакаат државата и нив душата ги боли за она што се случува во Македонија.

Инфилтрираните провокатори, провокативни легитимирања, уцени, закани, прекумерна употреба на брутална сила и друго се само дел од modusot operandi на овој хибриден режим во насока на модерирање на гневот на граѓаните особено на младите протестанти и предизвикување на инциденти и ескалација на протестот со крајна цел дискредитација и угушување на сенародниот граѓански протест.

Почитувани колеги, достоинството и слободата немаат цена. Бидете истрајни и силни, затоа продолжете чесно, достоинствено и професионално согласно законот да ги вршите вашите обврски и не дозволувајте партиските директиви да бидат основата по која ќе ги извршувате вашите работни обврски и задачи.” , пишува Чулев.

Share on Facebook

Tweet

Follow us

Save