INFOMAX.MK

Дента кога Собранието гласаше за прифаќање на францускиот предлог, лидерот на Левица истакна дека постои план Б кога станува збор за спречувањето на бугаризацијата на Македонија.

По се изгледа планот Б на Апасиев е изјаснување на граѓаните на референдум за францускиот предлог, референдум на кој граѓаните би се изјасниле дали истиот е прифатлив или не.

-Ништо не е готово…

#ПланотБ
#ДополнителенРеферендум, напиша тој.

Апасиев се повикува на таканаречен дополнителен референдум за преоценување на пропис што претходно е донесен.

Професорот говори за Закон за референдум и други облици на непосредно изјаснување на
граѓаните поточно членот 24.

-Референдум на државно ниво може да се распише и за потреба од ратификација на меѓународни договори и за други прашања од надлежност на Собранието (претходен референдум) и за одлуки донесени од Собранието или за изјаснување на граѓаните за други прашања за кои одлучувало Собранието (дополнителен референдум) .

Во своето гостување во вестите на телевизија Сител на референдум се повика и Христијан Мицкоски, но прашањето според него би се однесувало на влез на Бугарите во Уставот.

-Ако народот на референдум каже нема уставни измени, нема да има. Ќе биде дека народот рекол дека не прифаќа уставни измени, вели Мицкоски.