Петков: Секојдневно бараме Русија да продолжи со испораките на гас по старата шема

Бугарскиот премиер: Секојдневно бараме Русија да продолжи со испораките на гас по старата шема

Бугарскиот премиер Кирил Петков, говорејќи за состојбата со гасот во Бугарија, рече дека сегашните испораки на гас од Азербејџан и следните испораки на нивниот гас преку новиот интерконектор меѓу Бугарија и Грција ќе обезбедат третина од количината што и е потребна на Бугарија.

Премиерот утре ќе замине во работна посета на Азербејџан и ќе разговара за можноста за зголемување на испораките со претседателот Илхам Алиев.

Тој објасни дека компанијата „Булгаргас“ не ја прекинала соработката со „Гаспром“ и продолжува да бара од компанијата да ги врати испораките под претходните услови.

„Секој ден, вклучително и денес, испраќаме барања до Гаспром со барање да ги исполнат своите договорни обврски. Подготвени сме да платиме на начин наведен во договорот и тоа го правиме секој ден“, изјави Петков за бугарските медиуми.

Share on Facebook

Tweet

Follow us

Save