Тренерот на Абердин: Миовски е одличен, лично ја сакаше „деветката“!

Македонскиот репрезентативец Бојан Миовски имаше одличен старт за шкотски Абердин, каде постигна гол, а запиша и една асистенција.

„Миовски е новата деветка, но тоа е само број. Не ме интересира кој каков број носи на грбот на крајот од денот. Кога преговаравме со Бојан за трансфер, тој ја сакаше таа бројка. Добро е што Миовски постигна гол, тоа е што сакаме од напаѓачите. Со нас имаше само два тренинга, беше уморен на паузата, но ние сакавме да се обидеме со уште десетина минути за него. Во моментов е зад групата, но знам дека ќе влезе брзо во ритам“, изјави тренерот на шкотскиот тим.

Share on Facebook

Tweet

Follow us

Save