Во Косово уапсени француски државјани кои илегално влегле од Србија со возило со руски таблички

Косовската полиција објави дека вчера (понеделник, 25 јули) уапсила двајца странски државјани за кои се сомнева дека влегле во државата од Србија, преминувајќи ја нелегално границата, јави дописникот на МИА од Приштина.

Според денешното соопштение на полицијата, во селото Јашаница, општина Лепосавиќ, полицијата вчера запрела возило „Лeнд ровер“ со руски регистарски таблички, во кое се наоѓале две лица со француско државјанство, кои влегле на косовска територија од Србија, користејќи нелегални патишта.

Француските државјани се сомничат дека извршиле кривично дело „Неовластено преминување на гранични премини или на гранична линија“ и со одлука на надлежен обвинител од Основното обвинителство во Митровица им е одреден притвор.

Share on Facebook

Tweet

Follow us

Save