INFOMAX.MK

Новиот напаѓач на фудбалскиот клуб Малме, Мохамед Буја Турај, ја пропуштил сопствената венчавка за да дебитира за шведскиот клуб на натпреварот во квалификациите за Лига Европа против Дуделанж, пренесуваат светските медиуми.

Турај открил дека неговиот брат го претставувал на венчавката и дека церемонијата била одржана без него.

„Мојот брат ме застапуваше на венчавката. Се венчавме на 21-ви јули во Сиера Леоне. Но, јас не бев таму бидејќи Малме ме замоли да дојдам порано“, изјавил фудбалерот.

Тој на социјалните мрежи објавил фотографии од венчавката и објаснил дека истите биле направени претходно.

🌟🐐🦁🇸🇱 I married my sweetheart, wife and my Best friend today!!! What an amazing human being!!! And What a blessing!!! Mrs SBT💞💍 Suad Baydoun

I can’t wait to enjoy life with you together soboti 😃🤦🏾‍♂️. pic.twitter.com/nEw4siV0QF

— Mohamed Buya Turay 🇸🇱 (@turay_buya) July 31, 2022

„Се фотографиравме претходно, затоа изгледа како да сум бил таму, но не бев. На самата венчавка ме менуваше мојот брат додека сопругата ќе живее тука со мене. Кога станува збор за медениот месец, прво мора да бидеме прваци“, изјавил напаѓачот на Малме.

Мохамед Буја Турај ова лето пристигна во Малме од кинескиот Хенан, а на натпреварот против Дуделанж влезе на теренот од клупа и одигра 10-тина минути.