Поради недоволно производство Косово воведува рестрикции на струјата

Косовскиот мрежен оператор КЕДС започнува со рестрикции во земјата поради недостиг на доволно производство на електрична енергија. Високите цени на европските пазари го оневозможуваат увозот, истакнува Ројтерс. Од утрово режимот е шест часа со струја и два часа без.

Парламентот на почетокот на август прогласи вонредна состојба поради енергетската криза, со што и даде можност на Владата да преземе какви било мерки за справување со проблемите.

Косово главно се потпира на јаглен (90%) и обновливи извори на енергија за производство на електрична енергија. Во моментов, пак, на половина од објектите се врши планирана поправка која треба да се подготви за зимските месеци. Тогаш потрошувачката на електрична енергија се зголемува повеќе од двојно бидејќи домовите се греат на струја.

Во декември 2021 година имаше и затемнување на домовите поради рекордна потрошувачка. Малку подоцна во земјата беше забрането ископувањето криптовалути – поради евтината струја, многу млади луѓе во Косово живеат со ископување „дигитални пари“.

Share on Facebook

Tweet

Follow us

Save