INFOMAX.MK

Високиот претставник за БИХ Кристијан Шмит кој не го признава Република Српска, при денешната посета на Горажде зборуваше за измените на Изборниот закон и деблокирањето на Федерацијата БиХ, при што многу бурно реагираше.

Шмит очигледно бил лут поради неактивноста на политичарите, но и поради наводите дека е вклучен во политички игри.

По новинарското прашање зошто при изготвувањето на измените не се фокусирал на правата на другите, Шмит реагираше многу отворено и бурно.

– Срање, целосно срање. Луѓе, јас не дојдов да седам и да стојам овде, се грижам за оваа земја. Ова е град во кој луѓето ги загубија животите, а ние (ОХР) не сме тука да играме политички игри. Политичарите ги играат и ми е преку глава од тоа. Жал ми е што сум гласен, но инсинуациите кои ми се над глава и се неточни – изјави Шмит.

После тоа додаде.

-Политичарите во оваа држава 15 години не можат да се договорат за Изборниот закон, прашајте ги зошто не е сменет. Многу се лутам затоа што сите овде ги обвинуваат сите други и секогаш е некој друг крив – рече тој видно изнервиран.

Тој, исто така, повтори дека е крајно време политичарите да седнат и да почнат да работат и дека нема да прифатат постојани обвинувања дека го доведува во прашање територијалниот интегритет на државата или другите во Босна и Херцеговина.