Бугарски налепници со “Еден народ сме” осамнаа на споменици и јавни места низ Кочани

t

Општина Кочани испрати писмен допис до јавноста во кој ја осудува постапката на лепење фотографии со текст и бугарски обележја, што изутринава се појавија на спомениците и на јавни места во централното градско подрачје.

-На повеќе објекти во градот се забележани вандалски постапки со лепење фотографии со текстови и со обележја на бугарски симболи. Општина Кочани најостро ги осудува ваквите постапки и бара од МВР – ОВР – ПС Кочани да ги прегледаат сите видеонадзори на околните објекти, да ги пронајдат сторителите и да преземат мерки согласно закон, стои во дописот од Општината.

Налепници со натпис „Еден народ сме”, во комбинација со бугарско и македонско државно знаме, како и фотографии на кои е претставен орел аплициран на бугарско знаме, беа залепени на бистите на првоборците Љупчо Сантов и Раде Кратовче во Паркот на Револуцијата, на столбови за јавно осветлување, како и на ѕидовите на јавни институции.

Од Одделението за внатрешни работи во Кочани информираа дека случајот е пријавен и евидентиран кај нив и ќе биде предаден на натамошна постапка.

(Фото: МИА)

ПОВРЗАНИ ВЕСТИ

Бугарија и Романија одбележуваат 20 години од…

Дваесетгодишнината од пристапувањето на Бугарија и Романија…

Бугарија спаси две руски банки од санкциите…

Бугарија побара од Европската Унија да ги…

Бугарија не сака да ѝ дава повеќе…

Европа мора активно да учествува во преговорите…

Одржан 51 „Марш за ангелите“ во Кочани:…

Во Кочани денеска, 14 ноември 2026 година,…

НАТО го засили воздушното набљудување над Бугарија…

Авионите за рано радиолокациско откривање и контрола…