INFOMAX.MK

Американскиот претседател Џо Бајден разговараше со Володимир Зеленски за поддршката за Киев и нова транша од воената помош, изјави портпаролката на Белата куќа, Карин Жан-Пјер.

„Претседателот ја потврди својата поддршка за Украина“, изјави таа за новинарите.
За време на разговорот беше разговарано за нова транша од американска помош вредна околу 3 милијарди долари, рече таа.

Жан-Пјер додаде дека Бајден ја спомнал и ситуацијата околу нуклеарната централа Запорожје. Таа истакна дека САД бараат да се организира демилитаризирана зона околу централата и да им се дозволи на меѓународните инспектори да влезат во ЗНПП.

Нуклеарната централа “Запорожје” е најголемата нуклеарна централа во Европа по број на единици и инсталирана моќност. Од март е под заштита на руската војска. Руското Министерство за надворешни работи ја нагласи оправданоста на руската војска да ја чува електраната од гледна точка на спречување на истекување на нуклеарни и радиоактивни материјали. Украинската војска продолжува редовно да го гранатира Енергодар, околните села и територијата на нуклеарната централа Запорожје во непосредна близина на градот.