Велешанец бегал од полиција, па излетал од пат: Повредени четворица мигранти кои ги превезувал и припадник на АРМ

Полициски службеници од Полициската станица за граничен надзор Сопот вчера во 13.00 часот во село Ваксинце, општина Липково го лишиле од слобода М.Б.(34) од Велес.

МВР информира дека во возилото „крајслер“ со штипски регистарски, кое тој го управувал, биле пронајдени 16 лица мигранти од Сирија, од кои тројца малолетници.

-Претходно, на автопатот „Пријателство“, кај село Костурник, тој не застанал на знак за запирање даден од полициски службеници и припадници на АРСМ и продолжил кон село Ваксинце. Во селото тој изгубил контрола и удрил во брег до патот, по што се дал во бегство, но набргу бил фатен и лишен од слобода. Притоа, при излетувањето на возилото од патот, четири лица мигранти се здобиле со повреди и им била укажана лекарска помош во болницата во Куманово. Со повреда, исто така, се здобил и припадник на АРСМ при преземање мерки, по што и на него му била укажана помош во болницата во Куманово, стои во соопштението на полицијата.

Мигрантите биле пренесени во Транзитниот центар во Табановце, а М.Б. бил приведен во полициска станица. По целосно документирање на случајот против него ќе биде поднесена соодветна пријава.

Share on Facebook

Tweet

Follow us

Save