ЕУЛЕКС му се придружи на КФОР на Косово: Заедно ќе овозможат брза интервенција во случај на ескалација

ЕУЛЕКС му се придружи на КФОР во патролите на северот на Косово, пренесуваат српските медиуми.

Мисијата ЕУЛЕКС му се придружи на КФОР за време на патролирањето на административните премини на северот на Косово, соопшти КФОР.

Овие мерки, како што соопшти КФОР, се преземени за да се овозможи брза реакција во случај на евентуална ескалација на ситуацијата.

„Со цел да ја подигнеме свеста за состојбите го зголемивме присуството кај премините Јариње и Брњак. Поставивме неколку пунктови за контрола на сообраќајот и го зголемивме патролирањето во областа заедно со персоналот од мултинационалната специјализирана единица за карабинери и Мисијата на ЕУ за владеење на правото (ЕУЛЕКС). Овие мерки беа преземени за да му се овозможи на КФОР брзо да одговори на секој безбедносен предизвик, во согласност со неговиот мандат од ОН“, се вели во нивниот одговор до приштинските медиуми.

Share on Facebook

Tweet

Follow us

Save