На Бугарија не ѝ се допаѓаат критиките од Еди Рама

Бугарското Министерство за надворешни работи остро реагираше на дадените зебелешки на албанскиот премиер Еди Рама на безбедносниот форум во словенечкиот град Блед, оценувајќи ги за неприфатливи, јави дописникот на МИА од Софија.

Според МНР, ваквото однесување на Рама е непристојно за премиер на земја кандидат за членство во ЕУ. Бугарија не ја прифаќа изјавата на Рама дека осум години го блокирала почетокот на преговорите за членство на Албанија во ЕУ.

Бугарското МНР потсетува дека веќе го искажало својот став во врска со антибугарската реторика на премиерот на Република Албанија Еди Рама, која стана постојан рефрен на неговиот политички говор. Сега, според бугарското Министерство, тоа е комбинирано и со антиевропски фокус и обид за понижување на механизмите на европскиот процес.

„Изјавите откриваат непознавање на политичката смисла на процесот за ставање на односите во регионот на европски шини. Очигледно, станува збор или за недостаток на европски комуникациски вештини или за намерно поттикнување на антиевропски чувства. Бугарија го задржува правото на соодветен начин да реагира на однесувањето на албанскиот премиер, следејќи ги принципите на меѓународното и европското право“, се наведува и во ставот на властите во Софија.

Share on Facebook

Tweet

Follow us

Save