(Видео) Путин ја пееше химната на Русија со учениците од Калининград

Рускиот претседател Владимир Путин се сретна со децата од Калининград, на кои им ја објасни воената операција во Украина.

Тој им објасни на учениците од основното училиште во Калининград дека официјална Москва сака да ја запре војната во Украина која започна во 2014 година кога имаше пуч на Мајдан. Рускиот претседател изјави дека се обидуваат да спречат појава на „антируска енклава“ на нивна територија.

Според „Раша тудеј“, отворениот час за ученици беше наречен „Важен разговор“.

„ Сите веруваат дека ова што се случува денес е некаква руска агресија. Никој не разбира дека мнозинството граѓани на Доњецк, Луганск и Крим не ја признаа промената на власта по Мајдан“, рече Путин.

Тој додаде дека тогаш украинските лидери започнале војна против сопствениот народ „која трае веќе осум години“.

„ Нашата цел, нашата мисија, мисијата на нашите војници е да се стави крај на војната, да се заштити народот, но и Русија“, рече Путин.

Share on Facebook

Tweet

Follow us

Save