САД ќе ја одбележат годишнината од терористичките напади на 11 септември 2001 година

Американскиот претседател Џо Бајден в недела ќе ја одбележи 21-годишнината од нападите на 11 септември со говор и положување венец во Пентагон, што беше една од целите на терористите, пренесуваат агенциите соопштение на Белата куќа.

Комеморации ќе има и на местото на кулите-близначки на Светскиот трговски центар во Њујорк и во Пенсилванија каде што се урна еден од киднапираните авиони. Првата дама Џил Бајден ќе одржи говор таму в недела на Меморијалот во Шанксвил.

Потпретседателката Камала Харис ќе присуствува на церемонијата во Њујорк.

Речиси три илјади лица загинаа во нападите на 11 септември 2001 година. Како одговор, САД и нивните сојузници покренаа воена интервенција во Авганистан.

Share on Facebook

Tweet

Follow us

Save