ЈП Улици и патишта Скопје интензивно продолжува со активностите за уредување и санирање на кејот на реката Вардар

t

ЈП Улици и патишта Скопје интензивно продолжува со активностите за уредување и санирање на кејот на реката Вардар.

Екипи на ЈП Улици и патишта, по налог на Град Скопје деновиве интензивно ги вршат активностите за санација на оштетените патеки на кејот, како и активностите со рачното и машинско чистење на косините на реката Вардар.

Продолжуваат активностите за санирање на пешачките и велосипедски патеки на кејот, изминатиов период санирана е оштетената површина на пешачката патека на потегот од од мостот “Обединети Нации” во долниот дел кон мостот кај хотел “Александар Палас” на насипот на реката Вардар, каде што беа и санирани и оштетени заштитни столбчиња. Санирана е патеката кај МАНУ и велосипедската патека под мостот „8ми Септември“, како и голем дел од површината на велопатеката која е во насока од мостот Влајко во долниот дел од кејот кон амфитеатарот.

Рачното и машинско чистење на нискостеблестата и погуста вегетација од косините и коритото на реката се одвиваше на потегот од мостот „8-ми Септември“ кон Центар од двете страни, потоа екипите продолжија од мостот кај МАНУ и рачно ја исчистија обраснатата трева од косините од десната страна, а екипи со машинското чистење го поминаа потегот од хотел „Александар Палас“ до делот под булеварот Никола Карев.

Рачното чистење е со тримери и со нив се коси обраснатата трева, а со машинското се собираат гранките и се отстранува наталожена земја и погуста вегетација од коритото на реката.

Исчистени се и скалилата на овој потег со обрасната трева, а моментално екипи ги чистат скалилата пред игралиштата за одбојка на кејот на река Вардар. Денеска екипите продолжуваат со санација на велопатеката која е во насока од мостот Влајко во долниот дел од кејот кон амфитеатарот, а екипите кои се задолжени за машинското и рачно чистење во наредните денови продолжуваат со активностите за чистење на потегот од ПИОМ кон мост „Близнак“.

ПОВРЗАНИ ВЕСТИ

Хрватска ги запира преговорите на Црна Гора…

Хрватска не сака прашањето за разграничување на…

Поради силен ветер: На неколку патни правци…

ЈП „Македонијапат“ вечерва информира дека поради силен…

Силен ветер со брзина над 80 километри…

Управата за хидрометеоролошки работи најавува силен југозападен…

Трамп им се јави на европските лидери…

Претседателот на САД, Доналд Трамп, преку телефон…