Што се случува? Песков одбива да одговори на прашања за специјалната воена операција!

Прес-секретарот на претседателот на Руската Федерација Дмитриј Песков до Министерството за одбрана испрати прашања за текот на руската специјална воена операција во Украина и изјави за наводна „контраофанзива“ на украинските војници.

„Што се однесува до текот на специјалната воена операција, ова е до мојот колега официјален претставник на руското Министерство за одбрана Игор Конашенков“, изјави Песков за новинарите.
Тој не одговори ниту на прашањето дали Кремљ е загрижен за тоа што се случува, советувајќи ги новинарите да се обратат до Министерството за одбрана.

Украинската армија започна контраофанзивни обиди на крајот на август. Руското Министерство за одбрана известува дека сите овие обиди се одбиваат, украинските војници претрпуваат големи загуби во жива сила и опрема.

Share on Facebook

Tweet

Follow us

Save