Перински вработил преку 100 партиски војници во скопски Водовод – темелно се ревидира неговата работа!

Во соопштение до медиумите од Градот Скопје се открива нов скандал во ЈП Водовод и канализација – Скопје за време на директорувањето на Златко Перински, кадар на ВМРО-ДПМНЕ.

Имено повеќе од 100 лица биле вработени во претпријатието откако тој ја превземал функцијата иако претпријатието немало никаква конкретна потреба од нив.

Соопштението ви го пренесуваме во целост:

-По најава пред еден месец за вонредна ревизија на вработувањата кои ги склучил екс-директорот на ЈП Водовод и канализација Скопје, Златко Перински покажа дека речиси 100 лица се нововработени за неколку месеци.

Градот Скопје нема да толерира расипничко однесување кое претставува дополнителен товар врз буџетот во услови на економска и енергетска криза. Од тие причини се ревидира оправданоста на новите вработувања во ЈП Водовод и канализација – Скопје.

Партизацијата и корупцијата е рак на македонското општество, но и на државните институции кои повеќе од 30 години се деградирани од однесувањето на одредени поединци.

Нема да дозволиме средствата на граѓаните да се трошат за вдомување на партиски кадри и нема да се дозволи корупција, непотизам и остварување на лични и теснопартиски интереси, нема да дозволиме да се прави нешто што е на штета на скопјани, стои во соопштението од Град Скопје.

Share on Facebook

Tweet

Follow us

Save