Блинкен: САД имаат план во случај Русија да употреби нуклеарно оружје во Украина

САД развија акционен план во случај Русија да употреби нуклеарно оружје во Украина, изјави американскиот државен секретар Ентони Блинкен.

Блинкен, сепак, не прецизираше какви конкретни чекори би можел да преземе Вашингтон во случај на таков развој на настаните.

„Нема да навлегувам во прашањето какви ќе бидат последиците. Секоја употреба на нуклеарно оружје би имала катастрофални последици, се разбира, за земјата што го користела, но и за многу други“, рече тој.

Како што истакна тој, американската администрација им соопштила на руските претставници дека е неопходно да се запрат неодговорните изјави во врска со употребата на нуклеарно оружје.

Share on Facebook

Tweet

Follow us

Save