INFOMAX.MK

Соединетите Американски Држави и нивните сојузници ќе ги уништат руските војници и опрема во Украина и ќе ја потопат нејзината црноморска флота доколку рускиот претседател Владимир Путин употреби нуклеарно оружје во таа земја, предупреди поранешниот директор на ЦИА, пензионираниот армиски генерал Дејвид Петреус.

Петреус изјави за ABC News дека не разговарал со американскиот советник за национална безбедност Џејк Саливан за веројатниот одговор на САД на нуклеарната ескалација од Русија, за која претставниците на американската администрација велат дека во повеќе наврати ѝ бил пренесен на Москва.

„Хипотетички, би реагирале со колективен одговор на НАТО, кој би ги уништил сите руски конвенционални сили кои можеме да ги видиме и идентификуваме на бојното поле во Украина и Крим, како и секој брод во Црното Море“, рече Петреус.

Тој исто така тврди дека Путин „губи“, и покрај „значајните“, но „очајни“ потези во војната која започна на 24 февруари.

Тој исто така вели дека Украина и претседателот Зеленски и Украина ги мобилизирале силите подобро од Русите.

„Ниту една анексија, дури ни нуклеарните закани не можат да го извлечат Путин од оваа ситуација“, заклучува Петреус.