INFOMAX.MK

Претседателот на Украина, Володимир Зеленски, денеска разговара со претседателот на Соединетите Американски Држави, Џо Бајден,

„Разговарав со американскиот претседател Џо Бајден. Разговаравме за дополнителни санкции, за ситуацијата на бојното поле и за важноста да се зачува извозот на земјоделски производи по морски пат. Ги координиравме напорите пред заедничките меѓународни настани“, рече Зеленски.

Тој додаде дека меѓународната заедница „треба да даде заеднички решителен одговор на дрските обиди за анексија“ на украински територии.

Шефот на украинската држава му се заблагодарил и на американскиот претседател и на целиот американски народ за постојаната одбранбена и финансиска поддршка.

„Ми беше драго кога ги слушнав зборовите на претседателот Бајден дека нашата армија го инспирира целиот свет, нашиот народ го инспирира целиот свет. И ова е вистина: нашата победа во оваа војна ќе покаже колку Украина може да даде на глобалната моќ на слободата, глобалната моќта на демократијата“, рече Зеленски.

Американските власти деновиве најавија нов пакет воена помош за Украина, вреден 625 милиони долари.