ШАХОВ ВО 1888: Нашата татковина Македонија има историја, денес за секој Македонец Александар Македонски е национална гордост
За секој Македонец Александар Македонски е национална гордост, пишува македонскиот преродбеник во статија објавена во 1888 година.
Тоа е уште едно сведоштво дека тн. „антиквизација на Македонија“ е уште една клевета од тн. интелектуалци пред и по тн. шарена револуција, кои и за тоа го обвинуваа „режимот на Груевски“. И како награда добија амбасадорски места во Њујорк и други метрополи низ Европа и светов. А со Договорот со Грција, актуелната власт, се откажа од македонската античка историја во полза на Грција.
Во продолжение целиот текст објавен на Фејсбук страницата која обработува теми и документи од историјата на Македонија и изворите од каде што ги црпи:
Преродбеникот Коста Шахов во 1888 година напишал статија којашто јасно сведочи за македонската етничка и национална свест кај Македонците – дека Македонија е „наша татковина“, која била „велика држава“ и „лулка на цивилизацијата“.
Александар Македонски, според Шахов, за секој Македонец е национална гордост. Таа гордост, односно таа свест, пишува Шахов, во поново време има конкретна интелектуална важност во борбата на Македонците за остварување на самостојноста.
„Несомнено и нашата татковина Македонија има историја за своето минато, каде што се гледа нејзината моќ, величина, како и нејзиното политичко потчинување под власта на тогаш моќната Турска империја… Денес, секој Македонец, кога го спомнува Александар Македонски, вели: Ние сме го имале цар Александар Велики. Со тие зборови тој си припомнува за блескавиот период и величието на Македонската Држава. Александар Македонски стои пред лицето на секој Македонец како национална гордост”.
Коста Шахов (1862 – 1917), инаку родум охриѓанец, бил заслужен за создавањето на Македонското студентско друштво (МСД) во Софија, чии позначајни членови биле Даме Груев, Петар Поп Арсов и други. Целта на МСД било ослободувањето на Македонија и борбата против пропагандите за асимилација на Македонците.
Шахов е меѓу основачите и на Младата македонска книжевна дружина (ММКД, 1892), познати како „Лозари“. Тој соработувал со списанието „Лоза“ коешто ММКД почнала да го издава (бугарските власти го забраниле по 4 броја, поради противдржавна дејност и против-бугарски сепаратизам), како и со голем број други гласила кои пишувале за македонската национална тематика.
Според „Спомените“ на Иван Хаџиниколов, Шахов е човекот кој во 1894. го предложил Гоце Делчев во новоформираната Македонска револуционерна организација – МРО, подоцна ТМОРО – ВМОРО – ВМРО.

ИЗВОР: „Македония” бр. 4, Русе, 11. ноември 1888 година, стр. 1. —/
Извор: Денешен
ПОВРЗАНИ ВЕСТИ
Етиопија и Еритреја трупаат војска, расте стравот…
Етиопија и Еритреја распоредиле дополнителни сили долж…
Илон Маск: „Премногу се зборува дека Украина…
Американскиот милијардер и сопственик на компанијата „Спејс…
Путин ја презема одговорноста за нападите на…
Рускиот претседател Владимир Путин призна дека Москва…
Oбид за убиство во гостиварско Чегране
Надворешната канцеларија за криминалистички работи Гостивар поднесе…
Димовски: Србија го следи примерот на македонската…
Политичките случувања и протестните движења во Србија…