(Видео) Чуден собир во Загреб: Стотици мажи се молеа да запре сексот пред бракот

Во строгиот центар на Загреб, на плоштадот „Бан Јелачиќ“, денеска се одржа необичен собир на група мажи, кои дојдоа, носејќи бројаници и големи слики на Богородица, клекнаа и почнаа да се молат да запрат предбрачните сексуални односи, јавуваат локалните медиуми.

Еден од водачите на молитвата бил Вице Џон Батарело, кој ја предводи ултраконзервативната организација Вигиларе, објавија медиумите. Станува збор за социолог и активист роден во Австралија, кој се обидува да ги обедини католичките фундаменталисти во земјата во едно големо здружение.

Во еден момент, собраните ја запеаја песната „Кралица на небото, кралица на Хрватите“. Верниџите се молеa за повеќе работи, меѓу кои: „Татковина, мир и преобраќање на хрватскиот народ, за мажите – да станат духовни авторитети во семејството кои храбро ќе сведочат и ќе ја пренесат католичката вера, за „престанок на предбрачните односи, за чистота во облекувањето и однесувањето и за обновување на католичките бракови“, како и за „крај на абортусите“.

Share on Facebook

Tweet

Follow us

Save