(Видео) Ѓоковиќ ја освои 90-та титула во кариерата: Победи на турнирот во Астана

Српскиот тенисер Новак Ѓоковиќ го освои турнирот во Астана откако во финалето го совлада Гркот Стефанос Циципас со 6:3, 6:4.

Ова е втора титула во последните седум дена за Ѓоковиќ, а вкупно 90-та во кариерата.

Српскиот тенисер го доби првиот сет по само 32 минути игра, откако за првпат го одзеде сервисот на противникот со резултат 4:3.

Во вториот сет Ѓоковиќ направи брејк при резултат 2:2, а потоа оваа предност ја задржа до крајот на мечот со одлични сервиси.

Ова беше десетта средба на овие двајца тенисери и осма победа на Ѓоковиќ, седма во низа над шестиот играч на АТП листата.

Српскиот тенисер сезонава освои четири турнири, а освен во Астана победи и во Рим, Вимблдон и Тел Авив.

Share on Facebook

Tweet

Follow us

Save