(Фото) Украинска снајперистка се омажи за соборец, свадбата во шума кај Харков

Украинската снајперистка Евгенија Емералд, попозната како украинска Јованка Орлеанка, се омажила за војник што го запознала на почетокот на руската инвазија, пренесува Odessa Journal.

Евгенија и нејзиниот партнер Евгениј Стипањук се венчаа во петокот во близина на фронтот во шума кај Харков. Датумот на венчавката за нив имаше посебно значење – петок беше Денот на ветераните, национален празник во чест на ветераните и загинатите припадници на вооружените сили на Украина, а му било и роденден на Стипањук.

Церемонијата ја водел воен генерал.

Двојката се вљубила веднаш по почетокот на инвазијата во Украина, а се верила во август.

-Сфаќаме дека секој ден може да биде последен и не сакаме да го одложуваме животот за подоцна, напиша Емералд на Инстаграм.

На фотографиите кои ги споделија на социјалните мрежи, се гледа дека Евгенија носела долга бела венчаница, а нејзиниот сопруг се одлучил за војничка униформа.

Share on Facebook

Tweet

Follow us

Save