INFOMAX.MK

Извонредно оригинален, посебен и еден и единствен часовник – тоа е брејтлинг.

Инаку, кога малиот и без малку непознат производител на часовници во Швајцарија, Брејтлинг, стана бренд, тоа најпрвин се случи во менталната димензија. Како таков, тој е традиционално специјализиран часовник за воздухопловците. Зошто? Затоа што е исклучителна машина толку совршена како најсовршената авионска конструкција. Згора на тоа има и силен, единствен и типичен дизајн.

Фина машина која има моќ, а зрачи со елеганција. Воздухопловците го препознаа како свој. Луѓето го купуваат брејтлинг и сакаат да се чувствуваат посебни. Брендот денес, како познат и успешен, веќе ја развива својата моќ и на општествената димензија. Во одредени кругови стана култен бренд и зазема место на еден од најважните носители на посебен животен стил. И сега како таков, кој е Брејтлинг?

Овој бренд е распространет насекаде во светот. Го одликува голема посветеност на извонредните перформанси и успешно освојување нови видици. Легенда која ги сподели најдобрите моменти во историјата на авијацијата со пилотите кои го носеа брејтлинг и го читаа на нивните инструментални табли. Тоа е страст за технологија и фино механичко инженерство.
Стилска машина на голема сила и постојан карактер.

Брејтлинг се исто така многубројните инструменти за професионалци развиени за вселенско мерење, каде сигурноста на мерните инструменти е од витално значење. Метафорично кажано, Брејтлинг е ескадрила на сигурни и моќни “мотори“, хронометри, сертифицирани од ЦОСЦ (Овластена меѓународна организација за сертифицирање на врвните часовници), што е потврда за последниот и најсигурен знак за прецизност.

И не само тоа: Брејтлинг е поим за извонредност и исклучителност. Затоа Брејтлинг и само Брејтлинг. Значи, тоа е часовник со врвни перформанси и апсолутна прецизност. Посебен и јак дизајн, во кој видовме, идеално се соединуваат силата и елеганцијата, бренд воден со единствена страст и опсесија: преку решеност и оддаденост на производство на ултрапрецизни инструменти кои ги исполнуваат барањата на најпребирливите професионалци.

Оригинално осмислен со многу имагинација. Со единствен спој на рафинирана естетика и сигурна
изработка брејтлинг го дефинира времето на начин што е врска со минатото и симбол на иднината. Секој детал е грижливо потврден, во желба да се постигне совршенство. Изработка која обезбедува максимална цврстина и функционалност. Хронографите на Брејтлинг се во согласност со највисоките критериуми за прецизност, квалитет и функционалност, а сите механизми се подведени на ригорозни тестирања, бидејќи никој случајно не станува официјален часовник на авијатичарите. Луѓето го купуваат и носат брејтлинг поради чувството на посебност што тој им го дава.
Брејтлинг, култен бренд, носител на животен стил.
Часовник рar еxcellence.

Сотир Костов