Црвениот крст ќе отвори Центар за ментално здравје и психосоцијална поддршка

Црвениот крст денеска во неговите простории во Скопје ќе отвори Центар за ментално здравје и психосоцијална поддршка, чии клучни приоритети ќе бидат да развива програми наменети за едукација на пошироката јавност, дестигматизацијата на менталното здравје и зајакнување на резилиентноста на заедницата.

Покрај овие програми, ќе се обезбеди советодавна поддршка и врсничка едукација за важноста на менталното здравје и ќе бидат организирани тренинг едукации за сите институции – чинители во кризниот менаџмент на државата, соопшти Црвениот крст.

Отворањето на Центарот за ментално здравје и психосоцијална поддршка е мотивирано од заложбата да им се помага на ранливите групи граѓани во справување со последиците настанати од пандемијата, постојните и очекувани светски промени и зголемување на свесноста на глобално ниво за важноста на менталното здравје.

Центарот ќе го отворат генералниот секретар на Црвениот крст, Саит Саити, сопругата на претседателот на државата, Елизабета Ѓоргиевска и министрите за здравство и за труд и социјална политика, Беким Сали и Јована Тренчевска.

Share on Facebook

Tweet

Follow us

Save