Спасовски смета дека успешно се реформирани безбедносните служби по незаконското прислушување

Министерот за внатрешни работи, Оливер Спасовски, присуствуваше на годишната Конференција за преглед на Женевскиот центар за демократска контрола на вооружените сили (ДЦАФ), каде што учествуваше на панел-дискусијата „Реформите во разузнавачкиот сектор во Македонија – тековни постигнувања, останати предизвици и идни приоритети”.

Спасовски во текот на дискусијата, беше запрашан за оценка на сегашната состојба на спроведените реформи, при што рече дека се направени „успешни реформи на безбедносните служби“ кои што, како што рече, започнаа по т.н. скандал со незаконското следење на комуникациите и последователните препораки дадени од страна на Европската комисија (ЕК) преку овластената група на независни и виши експерти за владеење на правото, предводени од Прибе.

Share on Facebook

Tweet

Follow us

Save