Милановиќ пак го шокираше Западот: Одби да се сретне со Пелоси имало премногу цинизам…

Хрватскиот претседател Зоран Милановиќ одби средба со американската делегација и Ненси Пелоси, претседателка на Претставничкиот дом на Конгресот на САД, која пристигна во Загреб на самитот на Кримската платформа. Според Милановиќ, демократите наскоро ќе ја загубат власта во САД и бесмислено е да се разговара со нив.

„Американците побараа средба, не можам, немам време. Пелоси не ја претставува извршната власт и за две недели ќе престане да биде тоа што е сега“, изјави Зоран Милановиќ. Да потсетиме дека изборите за американскиот Конгрес ќе се одржат на 8 ноември.

Хрватскиот претседател најави дека ќе го игнорира самитот на Кримската платформа, кој се одржува од 24 до 25 октомври.

„Има премногу цинизам и непочитување кон несреќниот украински народ. Јас нема да бидам уште еден позер на овој настан. Се додека не бидеме нападнати и Хрватска не е во војна, јас нема да учествувам во ова“, рече Милановиќ.

Share on Facebook

Tweet

Follow us

Save