Пендаровски не оди лично ама ќе го испрати Миле Бошњаковски на отварањето на македонскиот клуб во Благоевград

Иако лично нема да присуствува, претседателот на Македонија, Стево Пендаровски ќе испрати свој претставник на отворањето на македонскиот клуб „Никола Вапцаров“ во Благоевград, потврдуваат од Кабинетот на претседателот за „Фокус“.

Во недела на отворањето ќе оди генералниот секретар на Кабинетот на претседателот, Миле Бошњаковски.

Претседателот Пендаровски, вчера доби покана за отворањето на Македонскиот културен клуб – „Никола Вапцаров“ во Благоевград на 30 октомври 2022 година (недела).
Со оглед на претходно преземените обврски, претседателот не е во можност лично да биде присутен во Благоевград, но, во негово име ќе присуствува генералниот секретар на Кабинетот на претседателот Миле Бошњаковски, велат од Кабинетот за „Фокус“.

Извор: Фокус

Share on Facebook

Tweet

Follow us

Save