INFOMAX.MK

Градоначалничката на Град Скопје, Данела Арсовска денеска се сретна со новоименуваниот министер за локална самоуправа, Ристо Пенов.

– Денес остваривме средба со новоименуваниот министер за Локална самоуправа и поранешен Градоначалник на Град Скопје, г-динот Ристо Пенов.

На средбата разговаравме за тековните проекти на кои градот работи, како и за подобрување на условите и квалитетот на живот на жителите на Скопје. При тоа се истакна можноста за интензивирање на соработката помеѓу Заедницата на единиците на локалната самоуправа ЗЕЛС и Министерството за локална самоуправа, во насока на остварување на целите на општините и утврдување на идни чекори за дејствување на двете институции.

На средбата беа истакнати конструктивни предлози и идентификувавме дополнителни можности за соработка, соодветни на приоритетите на двете институции, со што ќе се делува со цел обезбедување одржлив развој на единиците на локалната самоуправа, објави Арсовска на Фејсбук.