Конзистентен како времето во месец март: Мицкоски ќе оди на лидерска без да поставува услови

Лидерот на ВМРО-ДПМНЕ, Христијан Мицкоски, ја прифати поканата од премиерот и лидер на СДСМ, Димитар Ковачевски за лидерска средба на претседателите на политичките партии в понеделник.

Ковачевски упати покана за лидерска средба на која ќе се расправа за европската иднина на Македонија, но и за одлуките кои во наредниот период треба да се носат во Собранието со широк политички и општествен консензус.

Шефот на ВМРО најави дека ќе оди на средба без да побара предвремени парламентарни избори, односно без да поставува услови.

Меѓутоа тој предлага на средбата да се разговара за енергетската криза и за проблемите на граѓаните, а не за уставните измени.

„Пострашно е што беше тоа што го кажаа како дообјаснување претставниците и лидерите на албанските партии а тоа е формирање на дводомен парламент што би значело де факто и де јуре федерализација“, изјави при тоа Мицкоски.

Share on Facebook

Tweet

Follow us

Save