Во светот годинава беа убиени 70 новинари и медиумски работници

Повеќе од 900 новинари и медиумски работници се убиени во изминатата деценија, според податоците на УНЕСКО.

Во светот годинава беа убиени 70 новинари и медиумски работници, од кои 15 само во Мексико.

Меѓу најопасните земји за новинарите во овие години беа Украина, Филипините, Пакистан и Хаити.

Ниту новинарите во стабилните демократии не се безбедни, за што сведочат убиствата во Малта, Словачка, Холандија, Грција и САД, објавено е на веб-страницата на Здружението на новинари на Србија.

Меѓународниот институт за печат предупредува дека новинарството стана една од најопасните професии во светот и покрај тоа што новинарите ја откриваат вистината и ги повикуваат моќните на одговорност, го критикуваат и го прават општеството побезбедно, а демократијата посилна.

Меѓународниот институт за печат посочува дека насилството врз новинарите дополнително се влошува со фактот што огромното мнозинство убиства на новинари остануваат неказнети, а неказнивоста поттикнува натамошно насилство, ја ослабува демократијата и му штети на сечие право на вистината.

Share on Facebook

Tweet

Follow us

Save