INFOMAX.MK

Вака педесет и двегодишната скопјанка Лидија Стефановска за Канал 5 раскажува за она што се случува на Клиниката за Онкологија, откако два месеци, како што вели, нема терапија.

Таа веќе пет години е онколошки пациент, првично дијагностицирана со рак на дојка, а сега на коските.

Лидија не е единствената пациентка која не добила терапија, таков е случајот и со Тереза Балаловска која вели дека проблем има и со термини за контроли и снимања.

Дополнителнителна мака и стрес имаат пациентите од внатрешноста кои поради тоа што центрите во нивните градови не работат мора да патуваат до Скопје. Кога конечно ќе ги поминам контролите и ќе дојдам на ред, ми велат „за џебе дојде“ , објаснува Сунчица Димитровска.

Дел од пациентите на Онкологија кои ги контактиравме велат дека се задоволни од лекарите, но не и од условите и начинот на организација за прегледи и терапии, бараат државата да им обезбеди навремени терапии, оти како што велат „секој има право на лек“.

Последните информации од Онкологија се дека ги имало сите лекови од позитивната листа за пациентите со онколошки заболувања, а само четири од биолошките лекови недостасувале, ама набрзо ќе ги имало, оти, завршена била постапката.