РУСИТЕ „ОТКРИЈА“ НОВ ГРАД ВО СРБИЈА, ПОСЛЕ БЕЛГРАД И НОВИ САД: – забрзано се гради, квадратот донеодамна чинеше 900 евра, но сега цената расте

Руските граѓани кои пристигнаа во Србија во последните месеци изнајмуваа најмногу станови во Белград и во Нови Сад, но сега на око им падна уште еден град.

Во последните неколку недели се повеќе Руси се заинтересирани за купување станови и во Суботица. Цените на становите во тој град, меѓу другите причини, во изминатата година се зголемени за околу 10 отсто.

Од вкупно продадените недвижности во Суботица годинава, околу 3 до 5 отсто купиле руски државјани. Најпрво купуваат веќе постоечки, регистрирани, двособни станови.

– Двособни од 50-60 квадрати, иако понекогаш, ако некое семејство е поголемо, купуваат и трисобни – објаснува сопственик на агенција за недвижности во Суботица. Ѓуро Гавриќ, сопственик на агенција за недвижности во Суботица.

Цените на становите во Суботица се зголемени за околу 10 отсто, а сега наместо 900 евра чинат околу 1.000 евра за метар квадратен. Доаѓањето на руските граѓани влијаело и на цените на изнајмувањето, имено, како што објаснува соговорникот на РТВ, тие сакаат да се уверат дека го направиле вистинскиот избор пред да купат.

– Се додека не видат каква ќе биде состојбата, геополитичката состојба, генерално во Европа, но и кај нас, ќе останат два-три месеци. Затоа граѓаните во Суботица, сопственици на имот, ги зголемија цените на становите, но тоа трае само месец-два, а потоа ги враќаат цените на старото ниво – додава тој.

Руските граѓани затоа не се заинтересирани за станови во изградба, чија цена започнува од 1.300 евра за метар квадратен. Како што истакнува соговорникот, тие се купени од српски граѓани.

-Тие купувачи се луѓе од Суботица, но и луѓе кои ги продале своите имоти во Белград, Нови Сад и други поголеми центри. Исто така, Србите од западноевропските земји, кои работат таму, купуваат нови згради – вели тој.

Овие станови често се наменети за изнајмување, а не само за руски граѓани. Суботица стана едно големо градилиште, а странски државјани, многу често од Азија, често работат на изградба на станови. Освен тоа, има и српски граѓани од другите краишта на Србија, кои се вработиле во една од фабриките што беа отворени изминатите години во градот на северот на Војводина.

Курир.рс, РТВ

Share on Facebook

Tweet

Follow us

Save