Борисов: Од цел регион само Македонија и Бугарија не се во конфликт!

Пред министерот за надворешни работи на Република Македонија, Бујар Османи, кој е во посета на нашата земја, бев категоричен дека сме должни заради сегашните и идните генерации да им свртиме грб на конфликтите и провокациите на кои бевме сведоци во последно време, изјавил поранешниот бугарски премиер и лидер на ГЕРБ, Бојко Борисов на средбата со Османи.

Борисов нагласил дека имаме заеднички пат кон Европа и изразил надеж дека нашите односи „ќе бидат се подобри и подобри бидејќи сме најблиски како држави и народ“.

-Изразив уверување дека важните работи меѓу Бугарија и РМ се придвижуваат, но мораме да го прилагодиме општеството да не биде под влијание на ситници и да престанеме со провокативни дејствија, бидејќи може да изгубиме се што е досега постигнато во миг.

Се присетив и на ситуацијата со свирежите на бугарската химна на фудбалскиот натпревар меѓу нашите репрезентации и дека тогаш сите прашуваа што лошо сме им направиле на соседите за да заслужиме таков третман.

Србија и Косово, Украина и Русија, Турција и Грција – целиот регион е во конфликт. Останува ние и Северна Македонија да влеземе во конфликт. Луѓето сакаат да живеат добро. Да има гас, да има струја, да има просперитет, објави Борисов за што се разговарало на средбата со Османи.

Share on Facebook

Tweet

Follow us

Save