Само тројца навивачи уапсени за нападот врз фудбалерите на Шкендија

Тројца хулигани на Шкупи од навивачката група „Шверцери“ кои попладнево направија хаос и ги нападнаа фудбалерите на Шкендија на дербито во четвртфиналето во Купот на Чаир се приведени, објави „СДК“ според информации од МВР.

Навивачи на Шкупи влегоа на терен и ги нападнаа фудбалерите на Шкендија откако тетовци постигнаа гол за водство, по што со специјалци гостинските фудбалери беа спроведени до соблекувалните, а чаирските навивачи се нафрлија со пиротехника и кој полициските службеници.

Мечот после хаосот се прекина и ФФМ денеска го регистрираше со службена победа на Шкендија со 3-0 за пласман во полуфинале, додека теренот во Чаир е суспендиран и Шкупи е предаден на дисциплинската комисија која ќе решава за висината на казната, па до донесување на одлуката ќе мораат чаирчани да играат 100 километри надвор од Скопје.

Share on Facebook

Tweet

Follow us

Save