Не смееме да ја потценуваме Русија, рече првиот човек на НАТО

Генералниот секретар на НАТО, Јенс Столтенберг, ја коментираше најавата на рускиот министер за одбрана, Сергеј Шојгу, дека ќе им нареди на своите војници да се повлечат од Херсон.

„Охрабрувачки е да се види колку храбрите украински сили ослободуваат се’ повеќе украинска територија. Победите, придобивките што ги постигнаа украинските вооружени сили им припаѓаат на храбрите украински војници, но секако важна е и поддршката што ја добиваат од Обединетото Кралство, од сојузниците и партнерите на НАТО“, рече Столтенберг.

„Тоа е дел од целокупната шема или слика што ја видовме во текот на минатиот месец. Русија апсолутно го загуби моментумот. Но, не треба да ја потценуваме Русија, тие сè уште имаат опции“, додаде тој.

„Видовме беспилотни летала, видовме ракетни напади. Тоа покажува дека Русија сè уште може да направи голема штета“, заклучи тој.

Share on Facebook

Tweet

Follow us

Save