Билд: Баерн не е заинтересиран за Кристијано Роналдо

Иднината на Кристијано Роналдо не била меѓу темите на последната средба на агентот на португалската ѕвезда Жорге Мендеш и раководството на Баерн Минхен, тврди германскиот весник „Билд“.

Ова доаѓа како демант на информацијата на „Дејли мејл“ од пред неколку часа дека се разговарало за опција за трансфер на играчот на „Алијанц Арена“.

Обемното интервју кое Роналдо го даде во Англија и зборуваше за ситуацијата во неговиот сегашен клуб Манчестер Јунајтед предизвика многу гласини за прекин на соработката со „црвените ѓаволи“. Мендеш бил забележан на средба со претставници на германскиот шампион, но според информациите тоа нема врска со Кристијано Роналдо и интересот на Баерн за него би се сметал за изненадувачки.

Португалската суперѕвезда откри детали за начинот на кој Манчестер Јунајтед функционира како клуб и се очекува реакција од англискиот клуб.

Share on Facebook

Tweet

Follow us

Save