Кулеба предупредува: Путин подготвува нов бран на мобилизација?!

Институтот за проучување на војната (ISW) во својот најнов извештај рече дека континуираната тајна мобилизација и подготовките за нов бран на мобилизација веројатно ќе го влошат севкупниот квалитет на руските трупи кои се испраќаат да се борат во Украина.

„Ова најверојатно ќе доведе до уште понизок квалитет на обуката за мобилизираните регрути бидејќи капацитетот за обука е премногу низок“, објави ISW.

Украинскиот министер за надворешни работи Дмитро Кулеба предупреди дека Русија може да го искористи замрзнувањето на конфликтот во Украина во своја полза и против Европа. Како што пренесува „Европска правда“, Кулеба ова го кажа во видео обраќање пред учесниците на конгресот на Паневропската унија по повод 100-годишнината на организацијата во Виена.

„Ни треба победа, а не реми. Ако ја оставиме Русија сега да одмори, Путин ќе го претвори замрзнатиот конфликт во огромна темпирана бомба во срцето на Европа, подготвена да експлодира во секој момент“, рече тој.

„Москва не го промени својот конечен тон и сега не е подготвена за сериозни преговори. Тие даваат изјави со цел да создадат впечаток дека се подготвени за преговори, но ова е само димна завеса за продолжување на агресијата. Никој не треба да се залажува со тоа“, додаде тој.

Share on Facebook

Tweet

Follow us

Save