Харадинај: Курти е решен да го уништи Косово

Поранешниот премиер на Косово, Рамуш Харадинај изјави дека по одлуката на Владата на Косово да ги врати платите на судиите и обвинителите на нивото пред покачувањето, продолжува мисијата на Курти да го уништи Косово.

Харадинај на Фејсбук го повика Курти да ги остави платите на судиите и обвинителите на нивото на кое биле, бидејќи во спротивно ќе биде уништен еден од најважните сегменти, судството.

„Аљбин Курти ја презеде мисијата да го уништи Косово. Откако предизвика опасност на север, прекин на дијалогот и раздор со Американците, денеска одлучи да го уништи судскиот систем. Обвинителите и судиите кои секојдневно ја штитат државата и правдата основа денес се под напад на деструкција на премиерот“, рече Харадинај.

Тој го повика Курти да престане бидејќи во спротивно последиците ќе бидат несогледливи.

Share on Facebook

Tweet

Follow us

Save