INFOMAX.MK

По дојава дека мигранти пукаат меѓу себе во месноста Хоргош, српската полиција го пребарала теренот. Приведени се повеќе од 600 луѓе. Во потрагата се вклучени специјални сили, хеликоптери и дронови. Акцијата се прошири и до Белград.

Полицијата синоќа добила дојава дека мигранти се движеле по улица и пукале меѓу себе во месноста Хоргош.

Како што дознава РТС, во тек е голема оперативна акција и се врши претрес на просторот на поширокото подрачје на Хоргош и Суботица. Во потрагата се вклучени и специјални сили, хеликоптери и дронови.

Приведени се повеќе од 600 лица, потврдено е за РТС.

Во Хоргош пристигна и министерот за внатрешни работи Братислав Гашиќ.

Како што соопшти српското МВР, припадниците на ударните оперативни групи од Кикинда и Суботица, како и од овие полициски одделенија, заедно со Жандармеријата, вечерва започнале со детално пребарување на теренот и на лице место биле пронајдени шест мигранти.

Меѓу нив, еден мигрант, на возраст од околу 20 години, имал две прострелни рани во градниот кош.