Дачиќ: Секој предлог кој не вклучува признавање на Косово во ОН е добра основа за дискусија

Министерот за надворешни работи на Србија, Ивица Дачиќ изјави дека секој предлог договор кој не го вклучува Косово како независна држава и неговото признавање, односно членство во Обединетите нации, е добра тема и основа за понатамошна дискусија, пренесува РТС.

„Според тоа, ние сме далеку од дефинитивен предлог, но Србија јасно кажа кои се нејзините црвени линии и ние сме подготвени да разговараме. Важно е да учествуваме во дијалогот“, рече Дачиќ.

Тој не гледа напредок во дијалогот меѓу Белград и Приштина без да се изврши притисок врз Албин Курти.

Како што рече Дачиќ, претседателот Александар Вучиќ ќе одлучи да оди во Тирана на Самитот на лидерите од Западен Балкан, а одлуката ќе биде во интерес на Србија.

Share on Facebook

Tweet

Follow us

Save