Украина: Руските сили во моментов имаат доволно проектили за уште два или три масовни напади

Михајло Подољак за Гардијан изјави дека руските сили во моментов имаат доволно проектили за уште два или три масовни напади врз украинската цивилна инфраструктура. Русија се обиде да го обнови својот арсенал со купување ирански ракети. Секретарот на рускиот совет за безбедност Николај Патрушев во ноември го посети Техеран и се обиде да договори продажба, но, како што тврди Подољак, тоа не се оствари.

„Иран се најде под огромен дипломатски притисок, а протестите во земјата го зголемија притисокот. Владата почнува да ја губи контролата врз ситуацијата во општеството, а нивните домашни проблеми растат. Затоа, тие немаат време да се занимаваат со Русија. Тоа не е нивен приоритет“, рече Подољак.

Тој додаде дека верува оти преговорите за ракетите меѓу Москва и Техеран се уште се во тек, но дека ниту еден досега не бил доставен до Русија. Тој изјави дека украинските сили станале умешни во одбраната од руски ракетни напади и дека собориле 60 од 70-те проектили истрелани вчера.

Share on Facebook

Tweet

Follow us

Save