Орбан: Унгарија делува во интерес на својот народ, а не на Брисел

Унгарскиот премиер Виктор Орбан рече дека ЕУ ѝ ја наметнува својата волја на Унгарија за клучните прашања како што се миграцијата, сексуалното образование и санкциите, но дека земјата продолжува да ги застапува интересите на својот народ.

„ Унгарија ги исполни сите обврски договорени со Европската комисија. Бирократите во Брисел додаваат нови услови, сакаат да ни ја наметнат својата волја по прашањата за миграцијата, санкциите и половите – напиша Орбан на социјалните мрежи.

Тој изјави дека Унгарија, кога станува збор за овие прашања, постапува во интерес на својот народ, а не на Брисел.

Унгарскиот министер за надворешни работи Петер Сијарто претходно изјави дека Унгарија мора да биде подготвена за сериозни напади на ЕУ бидејќи „Брисел и либералната пропагандна машина“ не се селективни во своите средства и користат секакви уцени против Будимпешта.

Европската комисија вчера објави дека Унгарија не спровела доволно реформи поврзани со зајакнувањето на антикорупциската регулатива за да добие милијарди евра од фондовите на ЕУ.

Share on Facebook

Tweet

Follow us

Save