Тензии во Косово- На Вучиќ му пукна филмот: Не сум толку глупав, кого лажете?!

Српскиот претседател Александар Вучиќ се обрати по повод ситуацијата на Косово.

„Ќе се обидам вечерва да го сублимирам сето она што знаеме дека се случило“, рече Вучиќ на почетокот на своето обраќање.

„Денеска беше уапсен Дејан Пантиќ. Тој до неодамна ја носеше униформата на косовската полиција. Беше обвинет од таканаречениот министер за внатрешни работи и некои други за тероризам. Тоа беше денот кога имавме самит во Тирана и кога се обидоа да направат нешто што немаа право да го направат. Пантиќ изврши вистинско кривично дело, само што тие не го знаеја тоа. Тој живее во таа зграда и носел леб во својата куќа. Нашите служби сериозно го истражиле целиот случај. Никогаш не можете да го дочекате следниот ден со сигурност затоа што не знаете што ќе им падне на памет“, го објасни Вучиќ случајот со Пантиќ.

„Бевме присутни на нападот на енклавата. Кога српските слуги на Албин Курти зборуваат за тоа дека виното треба да му се врати, мора да знаат дека виното е уништено. Не зборувајте глупости и не го лажете својот народ. Утре ќе се сретнам со Петровиќ и колку што е можно ќе му помогнеме на тоа семејство да преживее во Велика Хоча. Ќе дознаеме што направиле и што треба ние да правиме, а јас сум му благодарен на Дачиќ што е вечерва овде. Зборував со него и Брнабиќ за следните чекори“, додаде тој, а потоа покажа фотографија од Велика Хоча.

„Со прстот на чкрапалото дојдоа да го земат виното. Специјалците дојдоа да уништат семејство“, нагласи Вучиќ.

„Возило на РОСУ ‘случајно’ влетало во двор на градинка. Немаат што да прават на северот на Косово и така натаму, а упаднале во детска градинка. Велат дека повикале обични полицајци без опрема и пиштоли. Упаднаа во северна Митровица, 300 од нив. Никој не бил нападнат во мултиетнички области. Зошто лажете? Мислите дека ако ги убедивте ЕУЛЕКС и ОЕБ, а не беше тешко да ги убедите, кого друг лажете?“, запраша српскиот претседател.

Тој потоа покажа фотографија од хрватските медиуми од Незири, кој денес е херој бидејќи го погодиле неколку парчиња стакло.

„Курти вчера рече – не можете да поставувате детски барања како ЗСО“, вели Вучиќ.

„Еве документ кој покажува дека во 2018 година е завршена работата околу изработката на статутот на ЗСО. Еве и писмо од менаџерскиот тим до Лајчак со кој ги информира за сработеното. Сега влегуваме во 2023 година и велат дека тоа се нашите детски игри, не повикуваат да се вратиме во институциите, а престојот во институциите е поврзан со ЗСО, а тие тоа го нарекуваат игра“, додаде тој.

„Србите го почитуваа договорот десет години. Не сум толку глупав како што на некои им изгледам и нема да го прифатам тоа. Ќе мора да го исполнат она што потпишаа во бриселскиот договор, ако не сакаат ќе бидеме изложени на надворешни притисоци, најтешки можни, а тоа можам да го очекувам веќе од 17-ти, кога претставниците на Германија, Франција и Брисел ќе ми објаснуваат како морам да се однесувам и какви ќе бидат последиците“, додаде Вучиќ.