INFOMAX.MK

Англичанецот Бен Блек од Лондон е победник на овој 22-ри Мундијал кој влегува во последната највозбудлива недела со полуфиналињата и финалето, зашто успеа да ги гледа сите мечеви на Светското првенство, досега вкупно 60 од 64-те во 29 дена.

Блек ќе се запише во светската историја како единствен навивач кој успеал да види буквално сè во Катар, од воведното отворање на 20 ноември со мечот Катар – Еквадор, па заклучно со неделното финале.

И мајсторијата е што успеа да стигне на секој меч во најтесниот период кога од 13 часот до 22 часот по катерско време гледаче по четири меча двенвно во двонеделниот маратон со првото и второто коло, а потоа успевал да стигне и на мечевите во ист термин да одгледа по едно полувреме, што е неверојатно.

64 games in 29 days 😱

This fan is attempting the ultimate #FIFAWorldCup challenge! 🤯 pic.twitter.com/kLJKrldGVn

— Sun Sport (@SunSport) December 11, 2022

Англиски „Сан“ го најде Бен, кој на мечевите одеше и во дресови на други репрезентации и се дружеше со навивачите од различни земји. Инаку тој е „тик-токер“ и јутјубер кој има преку 170 милиони прегледи на предизвикот СП во Катар, каде е дојден како еден од многуте инфлуенсери што ги избра домаќинот за да направат пропаганда за одличната организација на Мундијалот.

Сега му остануваат уште четири меча, по еден дневно, во вторник и среда со полуфиналињата, во сабота со малото финале и во недела со – битката за пехарот.

Извор: sport1.mk