(Видео) Скопје конечно влегува во 21 век: Реконструирана улицата “Тодор Александров”

Завршена првата фаза за реконструкција на улицата ул. Тодор Александров која води кон Водно, каде едновремено се реконструираше и системот за одводнување, информираше Градоначалничката на Град Скопје, Данела Арсовска.



– Градот Скопје заврши со првата фаза на улицата ул. Тодор Александров која води кон Водно. Ова улица беше во исклучително лоша состојба и како една од најфреквентните улици за жителите кои се движат кон врвот на Водно, барањето за нејзина реконструкција е истакната како децениски проблем за сите кои редовно транзитираат по оваа сообраќајница. Воедно барање за реконструкција истакнаа и голем број велосипедисти со цел подобрување на безбедноста и сигурноста за учесниците во сообраќајот при движење по коловозот. Реконструкцијата на улицата Тодор Александров во две фази, опфаќа површина од 18.580 м2 и должина од 2820 метри, а воедно целосно се реконструира системот за одводнување, вклучително и нивелирање на шахти и сливници.



 Овој проект за реконструкција на улицата Тодор Александров го изведува Јавното претпријатие Улици и патишта, а едновремено Јавното претпријатие Паркови и зеленила отпочна акција за зазеленување со нови садници, реконструкција на видиковци и еко урбана опрема на потегот кон Средно Водно, напиша Арсовска на Фејсбук.

ЛИНК од видеото

Share on Facebook

Tweet

Follow us

Save